ನಿರೀಕ್ಷಿತ....

ನಿರೀಕ್ಷಿತ ಪತ್ರವೊಂದು... 

ಅನಿರೀಕ್ಷಿತ ದಿನದಂದು ಕೈ ಸೇರಿದಾಗ.. 

ಖುಷಿ, ಸಂಕಟ ಎಲ್ಲವೂ.. 

ಪ್ರತಿ ಅಕ್ಷರವೂ ನಿನ್ನ ಪ್ರತಿಧ್ವನಿ.. 

ಒಕ್ಕಣೆಯ ತುಂಬೆಲ್ಲ ಪ್ರೀತಿಯ ಜೇನು.. 

ಭಾವಗಳೇ ಅಲಂಕಾರ.. 

ಉಪಸಂಹಾರವಂತೂ ಬೆವರ ಘಮ.. 

ಮುಗುಳ್ನಗೆಯೊಡನೆ ಎರಡು ಹನಿ ಕಣ್ಣೀರು.. 

ಜೊತೆಯಾಗಿ ಘಮಿಸಿದವು.. 

ಮಬ್ಬು ಬೆಳಕೂ ಪ್ರಖರವಾಗಿತ್ತು.. 

ನಿನ್ನ ಸಾನ್ನಿಧ್ಯವ ಬಯಸಿ, ಕಂಡೂ ಕಾಣದಂತೆ, 

ಮಿಂಚುಳವೊಂದು ಮಾಯವಾಯ್ತು..ಮನದೊಳಗೆ.. 

ಮಂಜುಗಡ್ಡೆಯ ಮನಸೂ ಕೂಡ, 

ಪ್ರೀತಿಯ ಬೆಂಕಿಯಲ್ಲಿ ಕರಗಿ ಹರಿದು.. 

ಕಡಲ ಸೇರಲು ಬಯಸುತಿತ್ತು.. 

ಮಳೆಬಿಲ್ಲ ಬಣ್ಣಗಳ ಹೊತ್ತು

ಬಿಳಿಪರಿವಾಳ ಬಂದು ಪತ್ರ ಕೈಗಿಡುವಾಗ.... 

ಇವೆಲ್ಲವೂ ತಿಳಿದಿತ್ತು.. 

ಆದರೂ ಸಖ.. ನಿರೀಕ್ಷಿತ ಪತ್ರವೊಂದು... 

ಅನಿರೀಕ್ಷಿತ ದಿನದಂದು ಕೈ ಸೇರಿದಾಗ.. 

ಭಾವಗಳೆಲ್ಲ ಕಟ್ಟೆಯೊಡೆದವು.. 

-ಪಲ್ಲವಿ