ಭಾವ ಬೆರೆತು ಜಗವ ಮರೆತು...

ನಿಟ್ಟುಸಿರೊಂದು ಪಿಸುನುಡಿದಿದೆ ನಿನ್ಹೆಸರ ಮುಗುಳ್ನಗೆಯಲಿ....

ಮೌನದಾಸರೆಯಲಿ ಹಾಡಿದೆ ಎದೆಯರಾಗ  ಬಿಸಿಯುಸಿರ ಹಿಮ್ಮೇಳದಲಿ ..

ಉಸಿರ ಲಯಕೆ ನರ್ತಿಸಿದೆ ಮನ ಎರಡೊಂದಾಗಿ..

ಭಾವ ಬೆರೆತು ಜಗವ ಮರೆತು ಘಮವೆಲ್ಲಾ ಹರಡಿದೆ ಹೂವಾಗಿ🌼🌼🌼

ಚಹಾ ಗುಟುಕಿಸಿ..

ಆವಿಯಾಗುವ ಮುನ್ನ

ಹೆಸರ ಚಿತ್ತಾರ ಬರೆಯುವ ಬಾ

ಹನಿಚುಕ್ಕಿಗಳ ಜೋಡಿಸಿ..

ಖಾರ ಮಿರ್ಚಿಯ ಜೊತೆಗೆ

ಚಹಾ ಗುಟುಕಿಸಿ...

-ಪಲ್ಲವಿ 

ಬಾರದಿರುವೆಯಾ...

ಗೆಳೆಯಾ,

ಇಂದಿನಿರುಳ ಗರ್ಭವು ಆರ್ಭಟಿಸುತಿರೆ,ತಲ್ಲಣವು ಒಳಗೊಳಗೆ..

ಕೋಲ್ಮಿಂಚು ಕಣ್ಣ ಸೀಳುವಾಗ ಕೋಲಾಹಲ ಎಲ್ಲೆಲ್ಲೂ..

ಬಾರದಿರುವೆಯಾ ಕರೆದರೆ..

ಜೋಡಿ ಮೋಡಗಳೊಡನೆ ಧರೆಗಿಳಿದು,

ಮಳೆಯೊಡನೆ ಮಳೆಯಾಗಿ,

ಮಣ್ಣ ಘಮವಾಗಿ,

ಚಿಗುರಂಚಲಿ ನಾಚಿ ನಗುವ ಹನಿಯಾಗುವ ಬಾ...

-ಪಲ್ಲವಿ 

ಮುಸ್ಸಂಜೆಯ ಬೆಂಗಳೂರ...

ದಿನವಿಡೀ ದುಡಿದು ದಣಿದು ಗೂಡು ಸೇರುವ ತವಕದಲಿ ಸವಾರ...

ದಿನದ  ದುಡಿಮೆಗೆ ಬೆಳಕಾಗಿ ನಿಂತು,ತಂಪು ಮೋಡದಲಿ ಕರಗುವ ಹುನ್ನಾರದಲಿ ನೇಸರ...

ನೀ ನೋಡ ರಂಗು ರಂಗಿನ ಮುಸ್ಸಂಜೆಯ ಬೆಂಗಳೂರ...

- (ಚಿತ್ರ & ಸಾಲು)

ಪಲ್ಲವಿ 😊

ಮತ್ತೆ ಮಗುವಾಗುತಿರುವೆ

ಮತ್ತೆ ಮಗುವಾಗುತಿರುವೆ....

ನಿನ್ನೊಡನಾಟಡಿ

ಮತ್ತದೇ ಆಟ ಕಾಟಗಳತ್ತ ಒಲವು..

ಈ ಪಯಣದ ಉಯ್ಯಾಲೆಯಲಿ ಎರಡ್ಹೆಜ್ಜೆ ಹಿಂದೆ ಜೀಕೋಣ..

ಬಾನೆತ್ತರಕ್ಕೇರೋಣ..

ಬರುವೆ ಗೆಳೆಯ ತೋಳಿಗೆ ಜೋತುಬೀಳಲು..

ಹುಸಿಮುನಿಸ ತೋರಲು..

ಕಳ್ಳತನವ ಮಾಡಲು..

ನಿನ್ನ ಕೈ ಹಿಡಿಯಲು...

ಮತ್ತೆ ಬರುವೆ ಗೆಳೆಯ,

ನಿನ್ನೊಡನಾಟಡಿ ಮಗುವಾಗಲು... 

-ಪಲ್ಲವಿ