ಮಳೆ

ಮೆರೆಯದಿರು..

ಧರೆಯ ತಣಿಸುವ ನಭದ ಪ್ರೇಮಕೆ ನಿನ್ನ ಕೈಲಿರುವ ಕೊಡೆ ಎಂದೂ ಅಡ್ಡಿಯಾಗದು...

ಮರೆಯದಿರು..

ನೀನೊಬ್ಬ ಮಾತ್ರವೇ  ಸೋಜುಗದ ಪ್ರೇಮದಿಂದ ವಂಚಿತನಾಗುವೆ...

- ಹಸಿರೂರ ಹುಡುಗಿ 🍀

ರಂಗು

ಕಡುಗಪ್ಪು ಗೋಲಿಗಳು ರಂಗೇರಿವೆ ...

ಚುಕ್ಕಿ ಇಟ್ಟವನಾರೆ ಗೆಳತಿ..

ಗೆರೆಯ ಸೇರಿಸಿದವನಾರೆ ಗೆಳತಿ..

ರಂಗ ತುಂಬಿದವನಾರೆ ಗೆಳತಿ....

ಪಾರಿ

ಬಾ, ಕಾಯುತಿರುವೆ ನಾನಿಲ್ಲೇ...

ಎಳೆ ಬಿಸಿಲು ನವಿರಾಗಿ ಧರೆಯ ಸ್ಪರ್ಶಿಸುವಲ್ಲಿ

ಮೋಡ ಮುನಿಸ ತೊರೆದು ಹಸಿರಿಗೆ ಮುತ್ತಿಕ್ಕುವಲ್ಲಿ

ಎಲೆ ತಲೆದೂಗಿ ಪಿಸುಗುಡುವಲ್ಲಿ

ಅರಳಿ ಘಮಿಸಿದ ಪಾರಿ, ಹಗಲು ನಾಚಿ,

ಹೊರಟು ನಿಂತ ಗಳಿಗೆಯಲಿ.....

ಕಾಯುತಿರುವೆ ನಾನಿಲ್ಲೇ...

ನಿನ್ನ ಪಾರಿಯಾಗಿ...

-ಪಲ್ಲವಿ 

ಕರಿ ಕನ್ನಡಕ...

"ಪ್ರಿಯೆ,

ಮುಂಜಾನೆಯ ಮೊದಲ ನೋಟವದು..

ಸೋತುಹೋಗಿದ್ದೆ..

ಎನ್ನ ನೋಡಲಿ ಎಂದು ಕಣ್ಣ ಮಿಟುಕಿಸಿದೆ,

ನಿನಗದು ಕಾಣಲೇ ಇಲ್ಲ...

ನನ್ನ ದಾಟಿ ನೀ ದೂರಾದೆ..

'ಪ್ರೇಮ ಕುರುಡು'..."

"ಎರಡನೇ ಪ್ರಿಯೆ,

ಮುಸ್ಸಂಜೆಯ ಮೊದಲ ನೋಟವದು...

ನೀ ಎನ್ನ ನೋಡಲಿ ಎಂದು ಶಿಳ್ಳೆ ಹೊಡೆದು,

ಕಣ್ಣ ಮಿಟುಕಿಸಿದೆ..

ಈ ಬಾರಿ ಕರಿ ಕನ್ನಡಕವ ಬದಿಗಿಟ್ಟು..

ನಿನಗೂ ಅದು ಕಾಣಲೇ ಇಲ್ಲ..

ಕತ್ತಲಾವರಿಸಿತ್ತಲ್ಲ!!

'ಮತ್ತೆ ಪ್ರೇಮ ಕುರುಡು'..."

"ಆದರೂ ಈ

'ಪ್ರೇಮ ಕಿವುಡಲ್ಲ..!',

ನನ್ನ ಶಿಳ್ಳೆಗೆ ಬಾಬಣ್ಣನಂಗಡಿಯ ಬೆಡಗಿ

ಬಗ್ಗಿ ನೋಡಿ ಬಳುಕಿ ನಕ್ಕಳು...

ನಮಸ್ತೆ ಭಾಬಿ, ಬಾಬಣ್ಣ ಎಲ್ಲಿ...

ಎನ್ನುತ್ತಾ ನನ್ನ ಕರಿಕನ್ನಡಕವನೇರಿಸಿ ಬಾರಿನತ್ತ ನಡೆದೆ!!

ಮಧ್ಯರಾತ್ರಿಯ ಮತ್ತಿನಲಿ ತೂರಾಡುತ್ತಾ 

ಶಹರದ ಗೋಡೆಯ ಮೇಲೆ

ಆತ ಅಕ್ಷರಗಳ ಗೀಚುತಿದ್ದ...

ಕಾಲರಿಗೆ ಕರಿ ಕನ್ನಡಕವ ಸಿಕ್ಕಿಸಿಕೊಂಡು...😎

-ಪಲ್ಲವಿ