ಕವಿತೆ ನಾನು..
ಒಟ್ಟಿಗೇ ಭಾವತುಂಬಿ ಹಾಡಾಗುವ ಬಾ..
ಅಕ್ಷರ ಮಾಸುವ ಮುನ್ನ..
ಇರುಳು ನಾನು..
ಒಟ್ಟಿಗೇ ಶಶಿ-ತಾರೆಯಾಗಿ ಮಿನುಗುವ ಬಾ..
ಬೆಳಕು ಆವರಿಸುವ ಮುನ್ನ..
ಹಣತೆ ನಾನು..
ಒಟ್ಟಿಗೇ ದೀಪವಾಗಿ ಬೆಳಕ ತೋರುವ ಬಾ...
ಎಣ್ಣೆ ಖಾಲಿಯಾಗುವ ಮುನ್ನ..
ಮೊಗ್ಗು ನಾನು..
ಒಟ್ಟಿಗೇ ಅರಳಿ ಹೂವಾಗುವಾ ಬಾ..
ತೊಟ್ಟು ಕಳಚಿ ಬೀಳುವ ಮುನ್ನ..
ಮಂಜು ನಾನು..
ಒಟ್ಟಿಗೇ ಕೊರೆವ ಚಳಿಯೊಡನೆ ಹೆಪ್ಪುಗಟ್ಟುವ ಬಾ..
ಕಾವಿಗೆ ಕರಗುವ ಮುನ್ನ..
ನದಿ ನಾನು..
ಒಟ್ಟಿಗೇ ಧಾರೆಯಾಗಿ ಧುಮುಕುವ ಬಾ..
ಸಾಗರ ಸೇರುವ ಮುನ್ನ..
ಪ್ರಕೃತಿಯು ನಾನು..
ಒಟ್ಟಿಗೇ ಸೌಂದರ್ಯವ ಸವಿಯುವ ಬಾ..
ಉಸಿರು ನಿಲ್ಲುವ ಮುನ್ನ...
-ಪಲ್ಲವಿ
No comments:
Post a Comment