ಮಾತು ಮರೆತೇಬಿಡುತ್ತೀನಷ್ಟೇ...

ಝುಮುಕಿ ಬೆಳಕಿಗೆ ಹೊಳೆಯುತಿದೆ.. 

ಎಂದುಕೊಂಡೆಯಾ? 

ನೀ ಬಂದ ಸೂಚನೆ ನೀಡುತಿದೆಯಷ್ಟೇ.. 

ತಂಗಾಳಿಗೆ ಹಾರಾಡುತ್ತಿದೆ ಮುಂಗುರುಳು.. 

ಎಂದುಕೊಂಡೆಯಾ? 

ನೀ ಸವರಲಿ ಎಂದು ಬಯಸಿದೆಯಷ್ಟೇ.. 

ಚಿಗುರು ಬೆರಳು ಗೋರಂಟಿಯಿಂದ ಕೆಂಪಾಗಿದೆ.. 

ಎಂದುಕೊಂಡೆಯಾ..? 

ನಾಚಿಕೆಯಿಂದ ಬೆರಳ ತುದಿ ಕೆಂಪೇರಿದೆಯಷ್ಟೇ.. 

ಹೂವರಳಿ ಸುಗಂಧ ಬೀರಿದೆ... 

ಎಂದುಕೊಂಡೆಯಾ? 

ನಿನ್ನ ಕೈಯಿಂದ ನನ್ನ ಮುಡಿಗೇರಲಿ ಎಂದರಳಿದೆಯಷ್ಟೇ..

ಇವಳ್ಯಾಕೆ ಮಾತನಾಡುತ್ತಿಲ್ಲ.. 

ಎಂದುಕೊಂಡೆಯಾ? 

ಹೇ ಹುಡುಗ, ನಿನ್ನ ನೋಡಿ ಮಾತು ಮರೆತೇಬಿಡುತ್ತೀನಷ್ಟೇ.. 

-ಪಲ್ಲವಿ