ಹೆಸರ ಹಂಗಿಲ್ಲ..

ಕಾಡ ತೊರೆ ನಾನು, ಹೆಸರ ಹಂಗಿಲ್ಲ.. 

ಹರಿವ ದಾರಿಗೆ ದಿಕ್ಕಿಲ್ಲ, ಮುನ್ನುಗ್ಗುವ ತವಕವೊಂದೇ.. 

ಹೆಸರಿಟ್ಟು, ಕಟ್ಟೆಯ ಕಟ್ಟಿ ನಿಲ್ಲಿಸದಿರೆನ್ನ.. 

ಬಲುದೂರದ ಸಾಗರದತ್ತ ಸಾಗಬೇಕಿದೆ.. 

ಜೀವಜಲವಾಗಿ, ಭೂರಮೆಯ ತಂಪಾಗಿ, 

ಕಾಡ ನಡುವೆ ಧುಮ್ಮಿಕ್ಕಿ ಧಾರೆಯಾಗಿ, 

ಕ್ಷಣಕ್ಕೊಂದು ರೂಪಾಂತರವಾಗುವ 

ಎನಗೆ ಹೆಸರ ಹಂಗಿಲ್ಲ.. 

ಹಸಿರ ತಬ್ಬಿದ ಪ್ರೀತಿಯ ಸ್ಪರ್ಶಕೆ, 

ಧರೆಯ ಸವರುವ ನವಿರಿಗೆ, 

ನಿನ್ನೊಡಲ ಸೇರುವ ಧಾವಂತಕ್ಕೆ ಹೆಸರ ಹಂಗಿಲ್ಲ!

ಕಾಡ ತೊರೆ ಮಾತ್ರವೇ ನಾನು.. 

ಎಂದಿಗೂ ಹೆಸರ ಹಂಗಿಲ್ಲ!!

-ಪಲ್ಲವಿ