ಮರ್ಕಟ ಮನವೇ,
ಆಲಿಸೊಮ್ಮೆ ಎನ್ನ ದನಿಯ...
ಬಾನೆತ್ತರಕ್ಕೊಮ್ಮೆ ಜಿಗಿದು,
ಪಾತಾಳದಾಳಕ್ಕೊಮ್ಮೆ ಧುಮುಕಿ,
ತಾರೆಗಳತ್ತ ಕೈಚಾಚುವ ಮನವೇ,
ನಿಲ್ಲು ಒಮ್ಮೆ, ದಣಿವಾಗದೇ ನಿನಗೆ?
ನೀ ಹೂವಲ್ಲ ಅರಳಲು,
ನೀ ಹಕ್ಕಿಯಲ್ಲ ಹಾರಲು,
ನೀ ಮೀನಲ್ಲ ಈಜಲು, ಮನವೇ
ತಿಳಿ, ನೀನೊಂದು ಮನವಷ್ಟೇ !
ಕುಗ್ಗದಿರು ಗೆಳತಿ ನಾನೊಂದು ಮನವಷ್ಟೇ !
ನಿನ್ನ ಸಂಕೋಲೆಗಳಿಂದ ಬಂಧಿಸದಿರೆನ್ನ..
ಬಾನೆತ್ತರವಿರಲಿ, ಪಾತಾಳದಾಳವೇ ಇರಲಿ
ಗಡಿಯಿಲ್ಲ ಗೆಳತಿ ಎನಗೆ !
ಹೂವಲ್ಲದಿದ್ದರೂ ಅರಳಬಲ್ಲೆ ನಾ,
ಹಕ್ಕಿಯಲ್ಲದಿದ್ದರೂ ಹಾರಬಲ್ಲೆ ನಾ,
ಮೀನಲ್ಲದಿದ್ದರೂ ಈಜಬಲ್ಲೆ ನಾ...
ಕೇಳಿಲ್ಲಿ.. ನಾನೊಂದು ಬಂಧವಿರದ ಮನವಷ್ಟೇ !!
-ಪಲ್ಲವಿ
No comments:
Post a Comment