ಕತ್ತಲ ಲೋಕದೊಳು ಹೊಳೆವ ಕಳ್ಳ

ಕಾರ್ಗತ್ತಲ ಇರುಳಿಗೆ ತಿಂಗಳ ಬೆಳಕ ತಂಗಾಳಿ ಸೂಸಿ 

ಬಾನಂಗಳದಲಿ ತಾರೆಗಳೊಡನೆ ಚಿತ್ತಾರ ಮೂಡಿಸಿದವನ ಮೋರೆಯಲ್ಲೂ ಕಲೆಗಳಿವೆ!

ಆದರೂ ಲೋಕಕೆ ಸುಂದರನವ, 

ಕಲೆಯನ್ನೂ ಮರೆಸುವ ಹೊಳಪು ಅವನಲ್ಲಿ.. 

ಮುದ್ದು ಮೊಗದ ಗಾಢ ಮೌನಿಯ 

ಜೊತೆಯಿರೆ ಲೋಕವೇ ಇಂಪು-ತಂಪು.. 

ಉಸಿರ ಹೆಪ್ಪುಗಟ್ಟಿಸುವ ಶೀತಲತೆಯ ನಡುವೆ

 ಇಣುಕಿ ಮನದ ಮೂಲೆಯಲಿ ಚಂಚಲತೆಯ ಉದಯಿಸುವ ಶಶಿಗೆ ಲೋಕವೇ ಮರುಳಾದಾಗ

ಮೋಡದ ಮರೆಯಲ್ಲಿ ನಸು ನಕ್ಕು ಅವಿತಿರುವನವ 

ಕತ್ತಲ ಲೋಕದೊಳು ಹೊಳೆವ ಕಳ್ಳ !!

-ಪಲ್ಲವಿ