ಗೆಳೆಯಾ, ಬಂದುಬಿಡು..

ಗೆಳೆಯಾ, 

ನೀ ಕೊಟ್ಟ ಮಲ್ಲಿಗೆ ಮಾಲೆಯಾಗಿದೆ ನೋಡು.. ಮುಡಿಗೇರುವ ತವಕ.. ಬಿರಿದು ನಿಂತು ಘಮ್ ಎನ್ನುತಿದೆ ನಿನ್ನರಸಿ.. ಬರುವೆಯಾ ಹೂ ಮುಡಿಸಲು? ಮುಡಿ ಕಟ್ಟಿ ನಿಂತಿದ್ದೇನೆ ಕನ್ನಡಿಯೆದುರು.. ಹೂ ಮಾತ್ರ ಕೈಲಿದೆ.. 

ಗೆಳೆಯಾ,

ಜಾತ್ರೆಯಲಿ ನೀ ಕೊಡಿಸಿದ ಬಳೆ, ನೋಡು ಇಂದು ಹಾಕಿದ್ದೇನೆ. ಸೊಕ್ಕು ನೋಡು ಅವಕ್ಕೆ.. ನೀ ಬಂದು ಒಮ್ಮೆ ನೇವರಿಸಬೇಕಂತೆ. ಅಲ್ಲಿಯವರೆಗೂ ಮೌನಾಚರಣೆ ! ಬರುವೆಯಲ್ಲ ಬಳೆಯ ಶಬ್ದ ಆಲಿಸಲು.. 

ಗೆಳೆಯಾ, 

ಬಂದುಬಿಡು.. ಹೂ ಬಾಡುವ ಮುನ್ನ,, ಬಳೆ ಒಡೆಯುವ ಮುನ್ನ.. 

-ಪಲ್ಲವಿ 

(ಚಿತ್ರಕ್ಕಾಗಿ ಸಾಲುಗಳು)