ಹೆಜ್ಜೆಗೆ ಹೆಜ್ಜೆ...

ನಿನ್ಹೆಜ್ಜೆಯೊಡನೆ ಹೆಜ್ಜೆಯಿಡುವ ಸಂಭ್ರಮವಿದೆಯಲ್ಲಾ.. 

ಮನದೊಳಗೆ ನೂರು ಗೆಜ್ಜೆಗಳು ಝಲ್ ಎಂದಂತೆ.. 

ಹತ್ತುವ ಮೆಟ್ಟಿಲು ಸಾವಿರವಿರಲಿ.. 

ಗೆಳೆಯಾ ನೀ ಜೊತೆಯಿದ್ದರೆ ಅದೇನೋ ಕಸು.. 

ಕಟ್ಟದ ಕೇಶ, ಹಣೆಯ ಮೇಲಿನ ಮುಂಗುರುಳು, 

ನಿನ್ನ ಸ್ಪರ್ಶವ ಬಿಟ್ಟು ಇನ್ನೇನನ್ನು ಬಯಸಲು ಸಾಧ್ಯ.. 

ಕಡುಕಪ್ಪಲ್ಲಿ ನೀನು ಶ್ವೇತಸುಂದರಿ... 

ಎಂದವನೆದುರಲ್ಲಿ ಅವನಿಷ್ಟದಂತೆ ಕಾಣುವಾಸೆ.. 

ಸೆರಗ ತುದಿ ಮುರುಟಿದೆ ಗೆಳೆಯಾ.. 

ನಾಚಿಕೆಯಿಂದ ಬೆರಳ ಸುತ್ತಿ... 

ಕೊನೆಯ ಮೆಟ್ಟಿಲವರೆಗೂ 

ಹೆಜ್ಜೆಗೆ ಹೆಜ್ಜೆಯಾಗುವೆಯಾ.. ಗೆಳೆಯಾ... 

-ಪಲ್ಲವಿ 

(ಚಿತ್ರಕ್ಕಾಗಿ ಸಾಲುಗಳು)