ನಿನ್ನ ಕಡುಗಪ್ಪು ಕಣ್ಣುಗಳಲ್ಲಿ
ಅಗಾಧ ಕನಸಿನ ಹೊಳಪು ಕಂಡ
ಮೌನಿ ನಾನು...
ತುಟಿಯಂಚಿಂದ ಜಾರಿದ ಮುಗುಳ್ನಗು,
ತುಂಬಿದ ಕೆನ್ನೆಯ ಕುಳಿಯಲ್ಲಿ
ಉಯ್ಯಾಲೆಯಾಡುವುದ ಕಂಡ
ಮೌನಿ ನಾನು...
ಕೆದರಿದ ಕೂದಲಲ್ಲಿ ಕೈಯಾಡಿಸುವ
ನೆಪದಲ್ಲಿ ನನ್ನತ್ತ ಬೀರಿದ ಕಳ್ಳ ನೋಟವ ಕಂಡು,
ಮನದಲ್ಲೇ ನಸುನಕ್ಕ ಮೌನಿ ನಾನು...
ಸದಾ ನಿನ್ನ ಅರಸುತ, ನಿನ್ನ ಸಾನ್ನಿಧ್ಯವ
ಬಯಸುತ, ಕಲ್ಪನಾ ಲೋಕದಲಿ ವಿಹರಿಸುತಿಹ
ನನ್ನೊಳಗಿನ ನಿನ್ನನ್ನು ಕಣ್ರೆಪ್ಪೆಯೊಳಗೆ ಅಡಗಿಸಿ,
ಮೌನದಲೇ ಮಾತಾಡುವ
ಮೌನಿ ನಾನು...
-ಪಲ್ಲವಿ
No comments:
Post a Comment