ಜಗದ ಗದ್ದಲವ ಮೌನದೊಳಡಗಿಸಿ
ಚಿಂತೆಗಳನೆಲ್ಲ ಸುಟ್ಟು ಕರಗಿಸಿ
ಧರೆಯ ಪ್ರೇಮವ ಜಲಧಾರೆಯಲೊಂದಾಗಿಸಿ
ಹೊರಟನವ....
ಕಪ್ಪು ಬಿಳುಪಿನ ನಡುವೆಯೊಂದು
ಚಿತ್ತಾರವ ಮೂಡಿಸಿ
ಬಾನೆತ್ತರಕ್ಕೂ ರಂಗ ಚೆಲ್ಲಿ
ಹೊರಟನವ....
ಹೂವಿಗೊಂದು ನಗುವ ಚೆಲ್ಲಿ
ಚಿಗುರೆಲೆಗೊಂದು ಶಕ್ತಿ ತುಂಬಿ
ಹಣ್ಣೆಲೆಗೊಂದು ಭರವಸೆ ನೀಡಿ
ಹೊರಟನವ..
ನಾಳೆಯ ನಂಬಿಕೆಗೆ ಜೀವವಿತ್ತು
ಕತ್ತಲ ಲೋಕಕೆ ಬೆಳಕ ಕೊಟ್ಟು
ಮೌನದಲೊಂದು ಮಾತನಿಟ್ಟು
ಹೊರಟನವ..
-ಪಲ್ಲವಿ
(ಚಿತ್ರ ಹಾಗೂ ಸಾಲುಗಳು)
No comments:
Post a Comment