ಜೀವನದ ಬಹುಪಾಲು
ಕ್ಷಣಗಳ ಸಾಕ್ಷಿ ನೀನು..
ಬೇಸರಕೆ ಬಿಸಿಯಾಗಿ,
ನಲಿವಿಗೆ ಸಿಹಿಯಾಗಿ,
ಆಯಾಸಕೆ ಮದ್ದಾಗಿ,
ಮನವ ಶಾಂತಗೊಳಿಸುವ ಹನಿ ನೀನು!
ಮಳೆಗೂ ಚಳಿಗೂ ಹಿತವಾಗಿ
ನೀನಿರಲು ಅಂಜಿಕೆಯೇಕೆ !
ಬೆಚ್ಚಗೆ ನೀ ನನ್ನಾವರಿಸುತಿರಲು
ಕಣ್ಮುಚ್ಚಿದರೆ ಸ್ವರ್ಗದ ಕನವರಿಕೆ!!
ಹಲವು ಬಣ್ಣದ, ಹಲವು ಘಮದ
ವಿವಿಧ ಹೆಸರುಗಳು ಎದುರು ಸುಳಿದರೂ
ನಿನ್ನಂಥ ಆಕರ್ಷಣೆ ಎಲ್ಲಿಯೂ ಇಲ್ಲ ಒಲವೇ..
ಹತ್ತೂರಲ್ಲೂ ನಿನ್ನ ಅರಸುವೆ ಸೊಬಗೇ!!
ನೀನಿಲ್ಲದ ದಿನವೂ ಅಪೂರ್ಣವೇ!
ಕಾದು ನಿನ್ನ ಕೈಲಿ ಹಿಡಿದ ಕ್ಷಣವೂ ಅಪೂರ್ವವೇ!
ಓ ಅಮಲೇ, ನೀನೊಂದು ಅದ್ಭುತವೇ!
ಹೇ ಬಿಸಿಯಾದ ಅಮೃತವೇ,ನಿನ್ಹೆಸರು ಚಹಾವೇ.. !!
-ಪಲ್ಲವಿ
ಚಹಾ ಎಂಬ ಅಮೃತಕ್ಕಾಗಿ 😍
No comments:
Post a Comment