ಒದ್ದೆ ಮಣ್ಣಿನ ಘಮ..
ಒಮ್ಮೆ ಪೂರ್ತಿ ಒದ್ದೆಯಾಗಿ ನಡುಗಿ ನಿಲ್ಲುವುದೆಂಥ ಸೋಜಿಗ..
ಈಗ ಒಣಗಿಸಿಕೊಳ್ಳಲು ಮೈಯೊಡ್ಡಿದ ಧಾರುಣಿಗೆ ತುಸುವೇ ಇಣುಕಿದ ರವಿಕಂಡ..
ನಾಚಿ ಹಸಿರ ಹೊದ್ದಳು.. ಆದರೆ ಅದೂ ಒದ್ದೆಯೇ..
ಪರ್ವತ -ಪ್ರಪಾತಗಳ ನಡುವಣ ಇಳಿಜಾರಲ್ಲಿ
ಒಂದೊಂದೇ ಹನಿ ತೊಟ್ಟಿಕ್ಕುತ್ತಿದ್ದರೆ...
ಸಾಗರದ ಭೋರ್ಗರೆತ ಕಿವಿಗಡಚಿಕ್ಕುವಂತೆ..
ಅಯ್ಯೋ ಒಣಗುವುದರೊಳಗೆ ಮತ್ತೆ ಬರುತ್ತಿದ್ದಾನೆ ಮೋಡಗಳ ಮೇಲೆ ರಾಯಭಾರಿಯಂತೆ..
ಈಗೇಕೆ ವೈಯ್ಯಾರ..
ತಂಗಾಳಿಯೊಡನೆ ಗಂಧದ ಘಮವನ್ನೂ ಸೇರಿಸಿ
ರವಾನಿಸುವಾ.. ನನ್ನೊಪ್ಪಿಗೆಯ ಅಪ್ಪುಗೆಯ ಸೂಚ್ಯವಾಗಿ..
ಭೋರ್ಗರೆಯಲಿ ಮತ್ತೊಮ್ಮೆ.. ರವಿ ಕರಗಿ ಶಶಿ ಕಾಣುವ ಈ ಹೊತ್ತಲ್ಲಿ..
-ಪಲ್ಲವಿ
No comments:
Post a Comment