ಮಾತು ಕೃಷ್ಣ, ಮೊಗ ಕೃಷ್ಣ, ನಗು ಕೃಷ್ಣ, ಕಣ್ಣಿನಾಳ ಕೃಷ್ಣ, ಮನದ ನೆರಳು ಕೃಷ್ಣ, ಹಣ್ಣಿನ ಸಿಹಿ ಕೃಷ್ಣ, ಪ್ರೀತಿಯ ತುಂತುರು ಕೃಷ್ಣ, ಗುರು ಕೃಷ್ಣ, ಗುರಿ ಕೃಷ್ಣ, ಸಖ ಕೃಷ್ಣ, ಸುಖಿ ಕೃಷ್ಣ, ಗರಿಯ ನವಿರು ಕೃಷ್ಣ, ಕೊಳಲ ನಾದ ಕೃಷ್ಣ, ಗೆಜ್ಜೆಯ ಹೆಜ್ಜೆ ಕೃಷ್ಣ, ಸರಳ ರೇಖೆಯೂ ಕೃಷ್ಣ ........ ಹೇಳಲು ಹೋದರೆ ನಿಲ್ಲದು...
ಗೆಳೆಯನೊಬ್ಬ ಹೇಳಿದಂತೆ, "ನವನೀತಚೋರನಿಗಿಂತ ಜಗದಲ್ಲಿ ಅತೀ ದೊಡ್ದ ಕಳ್ಳ ಎಲ್ಲಿಯೂ ಇರಲಾರ..."
ನನಗಿನ್ನೂ ಚೆನ್ನಾಗಿ ನೆನಪಿದೆ. ಹಾಸ್ಟೆಲ್ ದಿನಗಳ ಕೃಷ್ ಆಗಿದ್ದ ಕೃಷ್ಣ.. ನನಗೊಬ್ಬಳಿಗೆ ಅಲ್ಲಾ !! ಏನೋ ಮಾತನಾಡುತ್ತ "ಕೃಷ್ಣನೊಬ್ಬ ಹುಚ್ಚ..." ಎಂದುಬಿಟ್ಟೆ.. ಎಲ್ಲರೂ ರೇಗಿದರು.. ದೇವರಿಗೆ ಹಾಗೆಲ್ಲ ಹೇಳಬಾರದೆಂದು.. ಒಬ್ಬಳು ಮಾತ್ರ ಮುಗುಳ್ನಕ್ಕಳು.. "ಅವನು ಸಖ..ಒಬ್ಬೊಬ್ಬರಿಗೆ ಒಂದೊಂದು ರೀತಿ ಕಾಣಿಸ್ತಾನೆ ಅಷ್ಟೇ.. ಒಬ್ಬರಿಗೆ ದೇವರು, ಒಬ್ಬರಿಗೆ ಗೆಳೆಯ, ಒಬ್ಬರ ಮಗ,.. ಹಾಗೇ ಇವಳ ಕಣ್ಣಿಗೆ ಹುಚ್ಚ..!!"
ಕಲಿಯುಗದ ಮೀರಾಬಾಯಿ.. ನನ್ನ ಗೆಳತಿ, ಕೃಷ್ಣನ ಬಹುದೊಡ್ಡ ಆರಾಧಕಿ...!! ದಿನಕ್ಕೆ ಮಾತಿಗೊಮ್ಮೆ ಕೃಷ್ಣ ಕೃಷ್ಣ ಎನ್ನುವವಳು...ಕೊನೆಕೊನೆಗೆ ಅವನ ಬಗ್ಗೆ ಹೇಳಿ ಹೇಳಿ ನಮ್ಮೊಳಗೂ ಕೃಷ್ಣನನ್ನು ಇಳಿಸಿಬಿಟ್ಟಳು...
No comments:
Post a Comment