ಎಲ್ಲಿಂದಲೋ ಬಂದು ಇಲ್ಲಿ ಬಿದ್ದು,
ಬೇರೂರಿದೆ ಆಳವಾಗಿ..
ಕೇಳಿದವರಿಲ್ಲ ನೀನಾರೆಂದು..
ಆಡಿದವರೇ ಎಲ್ಲ ಹೀಗೇಕೆಂದು..
ಊರಿಲ್ಲವೆನಗೆ, ಭದ್ರ ಬೇರಿದೆ..
ನನ್ನೊಡಲ ಬಸಿರು ಊರಗಲ ಉಸಿರಾದಂತೆ
ನಾ ನಕ್ಕು ಹಗುರಾದೆ...
ಜೀವದೊಳಗೆ ಜೀವವಾಗಿ,
ಚಿಗುರಾಗಿ ಹಸಿರಾಗಿ, ಕಾಯಾಗಿ
ಹಣ್ಣಾಗಿ, ನೆರಳಾಗಿ ನಿಧಿಯಾಗಿ
ಬಾನೆತ್ತರಕೆ ಬೆಳೆದೆ...
ಮುದಿಯಾಗಿ ಮುಪ್ಪಾಗಿ
ಸೊರಗಿ ಒಣಗಿದರೂ
ಸೋಲದೇ ನಿಂತಿರುವೆ
ಭೂಮ್ಯಾಕಾಶಕೆ ಕೊಂಡಿಯಾಗಿ..
-ಚಿತ್ರ ಮತ್ತು ಸಾಲು
ಪಲ್ಲವಿ
No comments:
Post a Comment